Niri buruz
Susana Rodríguez naiz, Kalma Deko taldearen sortzailea. Nire eginkizuna zure etxea eraldatzen laguntzea da, zuk amestutako eta merezitako bizi-espazio bihurtzea.
Aipatutako guztia nire asmoa da eta beti izan da nire lan-ibilbide luzean; baina, gaur egun, nire etengabeko lanbide-heziketa osoaren ezagutza teknikoak eta urte hauetan zehar bizitako esperientzien batura ere dauzkat. Bizitako guztia formazioaren parte izan da.
Eta orain osagai baliotsutzat aitor dezakedan zerbait, nire sena.
Benetan, hor laguntzen dizut zu ulertzen, hor lotzen naiz zuen unibertsoarekin, hor inspiratzen naiz diseinu berria proposatzeko…
Aitortu behar dut lotsatia naizela jendaurrean erakusteko eta nire irudia erakusteko, baina, Kalma Dekorentzat, modu sotilagoan egiten dut, oso kontziente bainaiz zure etxera “gonbidatuko” banauzu, nitaz fidatuko bazara zure berdekorazioa egia bihurtzeko, nitaz zerbait gehiago jakin nahiko duzula…
Nire izena? SUSANA eta SUSI. Biekin identifikatzen naiz eta biek nitaz hitz egiten dute. Egokitzen denean, Susanak bere alderik serioena ateratzen du eta arduratsua, lanak bete eta erabakitzailea da. Baina, badut alde sortzaile bat, dibertigarria, ameslaria eta ausarta konektatu behar dudanarekin. Nahasketa hori gustatzen zait, beraz, bi modutara dei diezadakezu, eta ni biratuko naiz.
Nire 55 urteek, nire ile kizkurra zilarreztatu dute erabat, eta naturaltasun horretan edertasuna ikusten ikasten ari naiz. Gipuzkoarra naiz eta berdez inguratuta bizi naiz. Eman belarra, hostoak, bidexkak…eman mendia eta ni zoriontsua naiz.
Ibiltari nekaezina; gehien erabiltzen dudan garraioa: neure oinak. Nire paturik onena: nire barrurantz bidaiatzea. Hainbeste daukat ikasteko!! Orain nire talentuez, nire gaitasunez, nire trebetasunez hitz egiten ausartzen naiz, baina oso gogoan dut umiltasuna alde batera utzi gabe hitz egin nahi dudala.
Nire bikotearekin partekatzen ditut BIZITZA eta ESPIRITU ARTISTIKOA. Nigan sinesten du, bere babesak ekarri nau honaino. Gure artelanik onena, zalantzarik gabe, gure bi seme-alabak, Alex eta Katixa.
Nire etxea tenplu sakratu bat bezala sentitzen dut. Nire bigarren azala. Aurkitzen dudan tokian: atsedena, intimitatea, euskarria…bakea. Nire tokorik gogokoena. Dekorazioan daramat zainetan sartuta.
Ekintzailea naiz funtsean. Nire lanarekin ilusionatu eta gozatu egin behar dut. Hunkitu egiten nau emaitzak erakusteak eta zuen aurpegietan ZIRRARA ikustea. A ze sentsazioa!!!
Sormenak gainezka egiten dit, izugarri gustatzen zait proiektuak egitea eta buruan forma ematea…baina “eskuak zikintzea” ere behar dut. Ez harritu nire laneko arroparekin ikusten banauzu eta eskuetan zulagailua, arrabola edo pintzela dudala.
Lanean ere zaintzea eta zaindua izatea gustatzen zait. Zure aurrean urtzen naiz “nigan konfiantza duzula” sentitzen dudanean. Sentsazio bakar eta deskribaezin horrek diseinu bakarrak egiteko aukera ematen dit. Orain hobeto ezagutzen nauzu.
